Biz kimik?

Haqqımızda

Uşaq vaxtı atam mənə “poliqlot” sözünün mənasını izah etdi. O zaman anladım ki, bu, çoxlu dilləri bilən insan deməkdir. Həmin gün atama dedim ki, "Mən də bir gün poliqlot olacağam!"

Bu gün bir gənc azərbaycanlı qadın olaraq Azərbaycan, rus, türk, ingilis və alman dillərini bilirəm, həmçinin ispan dilini öyrənirəm. Dillər mənim üçün sadəcə ünsiyyət vasitəsi deyil – onlar dünyaya açılan pəncərə, fərqli mədəniyyətləri hiss etməyin və qavramağın yoludur.

Dilləri öyrənmək hamının bacara biləcəyi bir şeydir. Sadəcə, doğru yanaşma, sevgi və həvəs lazımdır. Mən inanıram ki, hər kəs doğru metod və motivasiya ilə istənilən dili mənimsəyə bilər. Məqsədimiz insanlara ən effektiv və əyləncəli üsullarla dilləri sevdirmək və öyrətməkdir.

Vizyonumuz

Dünya və mədəniyyətlər insanları dillər vasitəsilə birləşdirir. Bizim vizyonumuz dil öyrənməyi asan, əlçatan və maraqlı etməkdir.

Dil öyrənmək yeni imkanlar yaradır, yeni dostlar qazandırır və insanı daha açıqfikirli, inamlı və bacarıqlı edir. Biz insanların dillərə sevgisini artırmaq və onlara inam vermək istəyirik ki, onlar da bizim kimi poliqlot ola bilsinlər!

Missiyamız

Langavər olaraq missiyamız yeni nəsil dil öyrənmə metodlarını təqdim etməklə insanların öyrənmə prosesini sürətləndirmək və asanlaşdırmaqdır.

İnteraktiv və əyləncəli dərslər – dili darıxdırıcı yox, maraqlı və sevdirərək öyrətmək.
Praktik və real həyat situasiyalarına əsaslanan yanaşma – dili kitabdan yox, həyatdan öyrənmək.
Müasir və innovativ resurslarla dəstək – ən yaxşı tətbiqlər, texnologiyalar və üsullarla öyrənməyi daha effektiv etmək.
Qlobal icma yaratmaq – poliqlot olmaq istəyənlər üçün güclü bir platforma qurmaq.

Yeni nəsil dil öyrənmə təcrübəsinə hazırsınız?
Siz də bizim kimi poliqlotsunuzmu?

O zaman Langavər-ə xoş gəldiniz!
Əgər hələ deyilsinizsə, narahat olmayın – başlamaq üçün heç vaxt gec deyil!